Neste pleno saíu adiante a proposta de Declaración Institucional contra a instalación dos P.E. Barqueiro e P.E. Badulaque que presentou o BNG
Primeiro presentámola aos diferentes partidos políticos para que fixesen as súas aportacións, e despois, unha vez aceptada por todos, foi presentada para a súa aprobación no pleno.
No turno de preguntas e rogos, o noso portavoz, preguntoulle de novo ao Sr. Alcalde ata que punto estaría disposto chegar para a paralización dos mesmos e se estaría disposto a ir a un contencioso administrativo. A súa resposta foi un SI rotundo. Pola nosa parte, non podemos máis que amosar a nosa satisfacción en que así sexa, e que de chegar a esa situación (que esperemos que se paralice antes), se manteña firme na súa postura.
