Novas

O BNG de Ortigueira denuncia o uso partidista do boletín municipal editado polo equipo de goberno, financiado con fondos públicos.

A publicación, distribuída a metade de mandato, preséntase como unha ferramenta de propaganda en lugar dun espazo informativo plural e transparente.

Fronte ás acusacións vertidas, o BNG defende a súa labor propositiva e crítica a falta de orzamentos, a xestión opaca e o desprezo polas achegas da oposición.

Mon Fernández analiza a visita á Residencia Dolores Díaz Dávila de Ortigueira

O BNG insta a tomar medidas concretas para reverter e mellorar a situación

Desde o BNG de Ortigueira criticamos que o remanente e superávit anunciados polo PP e XA se conseguiron a costa de non executar investimentos esenciais para mellorar infraestruturas e servizos públicos.

Reclamamos unha política económica ao servizo das persoas e non de titulares electoralistas.

Cartos públicos desaproveitados: a mala xestión do PP-XA obriga a devolver axudas para deporte e inclusión social

A coalición PP-XA demostra unha vez máis a súa incapacidade para xestionar os fondos municipais

O Concello de Ortigueira publica unhas bases para as axudas escolares grazas á insistencia do BNG. Porén, estas quedan curtas fronte ás necesidades reais das familias, especialmente as máis vulnerábeis. As bases presentan carencias como unha definición pouco clara de "material escolar", exclúe etapas educativas como a FP e a universidade, e a falta de cobertura para gastos de desprazamento.

Mentres outros concellos liderados polo BNG avanzan en modelos inclusivos, Ortigueira mantén un sistema insuficiente influenciado pola imrpovisación de PP-XA.

O BNG seguirá loitando por unhas axudas máis equitativas e adaptadas á realidade das familias.

Tras atender as queixas das familias polo mal estado dos parques infantís, o BNG presentará unha moción no pleno para esixir ao Concello melloras urxentes. Entre as propostas destacan a reparación das estruturas de xogo, a creación dun programa de mantemento regular, a cubrición para protexelas das inclemencias meteorolóxicas, a adaptación para a accesibilidade universal e a inclusión de xogos multisensoriais.

O BNG propón cubrir e adaptar os parques infantís de Ortigueira para crear espazos accesibles e inclusivos para todas as crianzas.

A proposta inclúe xogos multisensoriais e unha partida nos orzamentos municipais para garantir o acceso ao lecer todo o ano.